ياسمين رئيس تهدي فستان زفافها الأبيض لإحدى الفتيات لتشاركها فرحة العمر
بعيد طرح فيلمها الجديد "الفتسان الأبيض"، أطلقت الفنانة المصرية ياسمين رئيس حملة جديدة لتختار إحدى الشابات المقبلات على الزواج، لتهديها الفستان الأبيض الذي ارتدته في الفيلم من تصميم نور عزازي.
وخاطبت متابعي حسابها الرسمي على "إنستغرام" قائلة: "زي وردة في فيلم "الفستان الأبيض، آحب أدي فستاني الأبيض لبنت عشان تفرح بيه زي ما أنا فرحت بيه يوم فرحي، وكمان هسلم الفستان بنفسي للفتاة جوا السينما".
وعلقت كاتبة: "نفسي أدي فستاني الأبيض لبنت عشان تفرح بيه زي ما أنا فرحت بيه يوم فرحي، عشان كده احنا مع مؤسسة Share a Smile هنعمل حملة عشان نشارك بنات كتير فرحتهم، اكتبولي في التعليقات عشان هروح اسلم الفستان بنفسي في السينما لعروسة حلوة".
أسماء جلال تأخذ المبادرة
في ذات السياق، انضمت الفنانة أسماء جلال لهذه الحملة، معلنة بدورها عن رغبتها بالتبرّع بفستان زفاف.
ونشرت فيديو، قالت فيه: "قصة وردة من فيلم الفستان الأبيض مش بس قصة في فيلم، ده واقع بيواجهه كتير من البنات غير المقتدرات اللي بيحلموا بليلة فرحهم وشكلهم بالفستان الأبيض، لكن ظروفهم الاقتصادية بتمنعهم من تحقيق أحلامهم".
وأضافت:"عشان كده أطلقنا حملة للتبرّع بفساتين الزفاف لكل بنت محتاجة تفرح بليلة العمر بس ظروفها منعتها زي وردة. وده بالتعاون مع مؤسسة Share A Smile اللي بتساعد مئات العرايس كل سنة في تجهيزات زواجهم ضمن حملات كتير لمساعدة الطبقات غير المقتدرة، ودي فرصة لكل واحد فينا إنه يشارك في فرحة حد تاني".
