وجه الفنان المصري حسام حبيب رسالة قوية ومؤثرة للفنانة شيرين عبد الوهاب، طالبها فيها بالكشف عن حقيقة الخلافات التي نشبت بينهما في الفترة الأخيرة، مؤكداً أنه تعرض للأذى النفسي بسبب تصريحاتها المتكررة عنه في المناسبات العامة.
جاءت هذه الرسالة خلال لقائه مع الإعلامية بسمة وهبة في برنامج "العرافة"، فقد تحدث بصراحة عن معاناته النفسية ورغبته في إنهاء هذه الأزمة.
وقد استهل حسام حبيب حديثه برسالة مباشرة لشيرين، قال فيها: "لو سمحتي يا شيرين، بطلب منك حفاظًا على صورتك الحلوة اللي أنا مصر أحافظ عليها. أنا، يا شيرين، فاض بيا الكيل منك ومن ظلمك ليا، ومن استباحك في أذيتي. في كل حفلة تطلعي تقولي عني كلام، وفي كل مكان تقولي عني كلام، وفي الغرف المغلقة تقولي عني كلام".
أضاف الفنان خلال اللقاء، أن الوضع بات لا يُحتمل: أرجوكي، أنا لسه معتبره غضب ولسه معتبره كلام بتفرغي بيه اللي جواكي. بقولك، دلوقتي الموضوع مبقاش تهريج، وبقيت أنا مأذي نفسيًا، أنا وكل اللي حواليّا. وعايز تبقى مرحلة وعدّت سيبيها تعدي، سيبي كل واحد فينا يروح لحاله.
وتابع حسام حبيب محذرًا من استمرار الوضع على هذا النحو: "أنا، يا شيرين، ده مش تهديد، هقول كل حاجة حصلت بالأدلة. علشان خاطر أنا خلاص، عايز المرحلة دي تعدي. أنا تأذيت، أنا والناس كلها اللي حواليّا، اللي مني وأنا منهم. أرجوكي، إكرامًا للعِشرة، لأي حاجة حلوة ما بينا، لو ضحكة ضحكناها مع بعض، اطلعي قولي الحقيقة، اطلعي قولي حاجة، اطلعي قولي كل اللي قولته ده صح. ساعتها، هبقى أنا خيرتها، فأما أعمل كده، أنا مندمش".
اختتم حسام حبيب حديثه برسالة تحمل ألمًا شديدًا، معترفًا بأنه أصبح في حالة نفسية صعبة: "أنا بني آدم مريض، لو دافعت عن نفسي بندم، لو قلت الحق وحقي، أنا هندم. مش هقدر، لو قلت الحقيقة، أنا هنتحر. هي حطاني في موقف أنا مش قادر عليه خلاص".