لفتت الإعلامية المصرية أسما شريف منير الأنظار خلال مشاركتها في فعاليات الدورة الثامنة من مهرجان الجونة السينمائي، في أول ظهور لها بالحجاب، إذ حضرت لتقديم تجربة جديدة بعنوان "عالم تاني"، من دون الكشف عن تفاصيلها الكاملة حتى الآن، مؤكدة أنها لن تشارك في الريد كاربت هذا العام.
تفاصيل مشاركة أسما شريف منير في مهرجان الجونة
شاركت أسما صورا لها بالحجاب من مهرجان الجونة، وكتبت عبر حسابها على “إنستغرام”: دي أول مرة أحضر مهرجان الجونة وأنا محجبة، ومبسوطة جدًا. السنة اللي فاتت كنت ببني شبكة علاقات لـ (عالم تاني)، بحضر ندوات وماستر كلاس تفيدني، لكن السنة دي كنا متحمسين نطلع كفريق نعمل حاجة ليها معنى، وفجأة في 48 ساعة كل حاجة اتغيرت.
وكشفت أسما أنها كانت تفكر في عدم السفر إلى الجونة هذا العام، قائلة: كنت ناوية مأسافرش، خصوصًا إني لسه محجبة ومعنديش لبس كفاية، ومجهزتش نفسي، بس ربنا بيبعت الفرص لما تكون جاهز من جوه، مش من بره.
وأضافت أن جهة ما شجعتها على المشاركة بعدما رأت أن ما تقدمه من خلال مشروع "عالم تاني" يستحق الظهور، فقررت الحضور لتقديم تجربة تمثلها وزوجها عمرو، مضيفة: حضرت مهرجان الجونة قبل كده بأشكال مختلفة، كمكياج آرتيست وإنفلونسر، لكن دي أول مرة أحس إني بظهر على طبيعتي وبتعبّر عني فعلًا.
أسما شريف منير: أنا هنا عشان عالم تاني
أكدت أسما أن مشاركتها هذا العام ليست من أجل الأضواء أو السجادة الحمراء، بل لتقديم رسالة ومشروع يحمل قيمة إنسانية وفكرية، قائلة: أنا في الجونة مش علشان الريد كاربت، أنا هنا علشان (عالم تاني) يكون موجود زي ما يستحق. شكرًا لكل اللي صدق وساعد وشجع، وشكرًا لنفسي إني كملت حتى لما كنت فاكرة إني مش هقدر.
وكانت أسما قد ظهرت أخيرًا في بودكاست "يمنى النهارده"، إذ تحدثت بصراحة عن حياتها قبل ارتداء الحجاب وتجاربها السابقة، قائلة: قابلت ناس بيقولوا إن الشرب مش حرام، بس كنت دايمًا بسأل: هل ربنا قالك روح اشرب؟ ولا دا الشيطان اللي بيقولك كده؟ أنا جربت الحياة دي وسافرت وسهرت، بس عمري ما ارتحت.
وأضافت أنها وجدت الراحة الحقيقية في الالتزام والتقرب إلى الله بعد سنوات من الحيرة والتجارب.
يُذكر أن أسما كانت قد أعلنت ارتداء الحجاب في سبتمبر الماضي، وحذفت جميع صورها السابقة من دون حجاب من حساباتها على مواقع التواصل الاجتماعي، ونشرت صورًا جديدة برفقة زوجها.
وكتبت حينها: الحمد لله مكنش عندي غير طرحة واحدة وطقم واحد بس، بس كنت حاسة من جوايا إن دي الخطوة الصح. الحجاب مش مجرد لبس، ده قرار من القلب، عهد بيني وبين ربنا، وراحة ما تتوصف.
واختتمت برسالة لمتابعيها طالبة الدعاء بالثبات، مؤكدة أنها ما زالت تبحث عن أماكن توفر ملابس أنيقة تتناسب مع حجابها وخطوتها الجديدة.