أعلنت البلوغر جهاد أحمد انفصالها رسميًا عن مغني المهرجانات عصام صاصا، من خلال منشور مقتضب عبر خاصية الستوري في "إنستغرام" قالت فيه: "الحمد لله على كل شيء، تم الانفصال بيني وبين أبو رحيم".
رد راقٍ من عصام صاصا
في أول تعليق له، نفى عصام وجود أي خلافات حادة، قائلاً عبر ستوري: "يعلم ربنا إني مشوفتش أي حاجة وحشة منها، وعمرها ما كانت غلطانة في حقي، بالعكس.. محدش يظلمها".
وأضاف: "ربنا يصلح حال الجميع ويسترها على كل الناس"، في رسالة واضحة تعكس احترامه لطليقته.
رسائل غامضة سبقت إعلان الانفصال
قبل إعلان الطلاق بساعات، أثارت جهاد الجدل برسالة كتبت فيها: "أنا ممكن أتعامل مع شخص وفيه عيوب الدنيا، بس لما بقفل منه بيتشطب من حياتي ومش بيرجع تاني".
وتابعت: "أنا محدش تعب مكاني ولا عاش بمهدئات مكاني.. أنا اتاخد مني نفسي ودا مش قليل"، ما فُسّر على أنه تلميح لمعاناة شخصية دفعتها لإنهاء العلاقة.
دعوة لاحترام الخصوصية
وجهت جهاد رسالة للمنتقدين: "اللي مش عاجبه شخصيتي في بلوك.. أنا عمري ما دخلت حياة شخص وأذيته، دايمًا كنت إضافة والحمد لله"، مؤكدة رفضها للضغوط والتدخل في حياتها.
الانفصال تم بشكل متحضر، وسط تعاطف واسع من المتابعين الذين أشادوا بنضج الطرفين في التعامل مع الموقف.