TRENDING
مجدداً .. رسلان يتهم محمد حماقي بتعطيل مسيرته الفنية

تحدث المطرب أكمل رسلان، عن سبب تركه شركة صوت الدلتا، موضحًا أن المنتج نصيف قوزمان أبلغه أن الشركة فضلت العمل مع الفنان محمد حماقي، بدًلا منه.

وخلال لقائه مع الإعلامية إنجي هشام كشف رسلان ان "الشركة فجأة قررت مش هتكمل لأسباب مفهمتهاش، وقالولي خد العقد أنت كده كده عملت كل حاجة إحنا جينا في الآخر قفلنا كام أغنية، وأنا مكنتش فاهم لأني كنت صغير وناجح نجاح رهيب مكنش في أغنية بتنزل في الستنين مبتنجحش، ولو عامل ألبوم 11 أغنية الـ 11 أغنية بينجحوا".

وتابع: الشركة قالتلي أن العقد بتاع محمد حماقي معانا، بينص على أنه يكون المغني الوحيد في الشركة، إحنا مش هنعرف نكمل معاك إنتاج، يا نضحي بـ حماقي يا نضحي بيك، وطبعًا حماقي كان نجم أكبر مني وأنا خدت عقدي ومشيت.

وأضاف: أنا مش فاهم أنا جاي ناجح بالفعل وكنت فاكر أنهم هيمضوني عقد جديد لأن عقدي كان لسة فيه سنتين أو تلاتة، وده كان بداية المشاكل في حياتي، وبدء يجيلي عروض ومش عارف أوافق على مين، واضطريت أخد أحسن عرض مش أحسن شركة ودي كانت غلطتي.

واستكمل: أنا مبعتبرش حماقي السبب ولا الشركة، وكنت صغير ومسألتش حماقي ولا أي حاجة، والله أعلم إيه الكواليس اللي بينهم ومش عارف هو سبب ولا مش سبب.

يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Hawacom TV (URL) الإلكتروني الذي يحيل الى مكان مصدر المقال، تحت طائلة تطبيق أحكام قانون حماية الملكية الفكرية

يقرأون الآن