نشرالممثل المصري أحمد السقا عبر صفحته الرسمية في موقع الفيسبوك منشورا مدح فيه زميله وصديقه الممثل كريم عبد العزيز.
المنشور كان عبارة عن صور تجمع السقا بعبد العزيز وكتب قائلا:" قاعد وصاحى بدرى ولقيت نفسى عايز أقول كلمه فى حق أجمل وأجدع صاحب قابلته ف حياتى من وإحنا عيال صغيرين انا كنت عايش ف شارع شهاب وهو عايش ف العجوزه والقدر ربطنا ببعض ومن يومها وإحنا اكتر من الأخوات وربنا يخلينا لبعض لأنه بجد راجل وجدع ومتربى وابن ناس وطول عمرنا ما بنقولش لبعض غير أزيك يا صاحبى".
وأضاف:" عامل ايه يا صاحبى… أو مبروك يا صاحبى… وحقك عليا انى أقولك ربنا يخليك ليا يا صاحبى…… صاحبى واخويا اللى بجد كريم عبد العزيز…..رقبتى ليك يا صاحبى…. كلمة حق فى حقك يا صاحبى……ملحوظه عشان الناس اللى بتصطاد ف الميه العكره دي الصوره اللى كريم كسب بيها جوى أورد وفى كل الحالات صاحبى ".
من جهة أخرى، كان قد انتشر منذ أيام خبر طلاق أحمد السقا عن زوجته الإعلامية مها الصغير، لتنفي الأخيرة هذه الاشاعة خلال برنامج "الستات مايعرفوش يكدبوا" قائلة: "بلاش حد يحط كلام على لساني ماقولتهاش أو يستنتج ولو عندي حاجة عايز هقولها هقولها وبطلوا ترندات وهمية على حساب ناس شخصية وفي النهاية حصل خير".
مضيفة:"حياتي الخاصة مش حابه تكون لعامة الناس وفي أولاد وأطفال وأصدقاء وزملاء وحاجاتي الخاصة بفصلها، وممكن ناس تتأذي مش على موضوع الطلاق والزواج فقط ولكن في موضوعات اتقالت قبل كده عن تعب أحمد السقا والحاجات دي بتأذي أولادهم والخاص للخاص والعام للعام".
يمكنكم نشر مقتطفات من المقال الحاضر، ما حده الاقصى 25% من مجموع المقال، شرط: ذكر اسم المؤلف والناشر ووضع رابط Hawacom TV (URL) الإلكتروني الذي يحيل الى مكان مصدر المقال، تحت طائلة تطبيق أحكام قانون حماية الملكية الفكرية