حسمت المطربة شيرين عبد الوهاب الجدل المستمر منذ فترة حول لقب "صوت مصر" والمطربة التي تستحقه، مؤكدة في بثها المباشر عبر "تيك توك" أنها لا تُحب الألقاب. وقالت: "أنا مش بحب الألقاب خالص على فكرة، أكيد كلنا نحب أن اسمنا يبقى جنب اسم بلدنا، لكن أنا لقبي هو اسمي".
وتابعت: "متشغلوش أبدا دماغكم بموضوع الدرجات ومين أول ومين تاني، مش بيشغل دماغي خالص، أنا بحبكم قد الدنيا."وختمت: "شغلي وفني هو اللي بيشغلني أكتر من الحاجات دي بكتير، المحتوى اللي بقدمه ليكم".
وكانت عبد الوهاب قد طرحت آخر أغنيات ألبومها بعنوان "ابتسمت" من كلمات أحمد حسن راؤول، ألحان أحمد زعيم، وتوزيع توما.
وعقب طرحها للأغنية، وجهت الدعوة للقاء عبر البث المباشر، كاتبة: "النهاردة كان آخر أغاني الألبوم. حابة نتكلم ونحكي كتير عن التجربة دى مع بعض عشان كدة هكون معاكم انهاردة الساعة 2 صباحا بتوقيت مصر".
انهاردة كان اخر اغانى الالبوم
— Sherin Abdelwahab (@Sherinthesinger) October 17, 2024
حابة نتكلم ونحكي كتير عن التجربة دى مع بعض عشان كدة هكون معاكم انهاردة الساعة 2 صباحاً بتوقيت مصر
لايف على التيك توك 👇https://t.co/4wExp9ZnfG pic.twitter.com/JMpLgjAxsm