كشفت الفنانة فيفي عبده، عن مرورها بفترة نفسية صعبة دفعتها إلى زيارة طبيب نفسي، مؤكدة أن الأوضاع في فلسطين أثّرت عليها بشدة.
وقالت في تصريحات تليفزيونية: "روحت لدكاترة نفسيين بسبب فلسطين، والدكتور قالي متفتحيش التلفزيون".
وأضافت:"مش عايزة أفول على نفسي... أنا لسة عندي كتير وعايزة أعيش وأتبسط، ومش عايزة حد يكلمني عن المرض ولا السياسة".
وفي سياق حديثها عن الوقت والعمر، علّقت فيفي على أزمة الفنان الراحل محمود عبد العزيز قائلة: فكرت فيه، ولما شفت إنه توفى من 9 سنين قولت يا نهار أبيض، كنت فاكرة من سنتين تلاتة.. العمر بيجري.
كما تناولت قضية المال والزواج، مشيرة إلى أن الأموال قد تسبب الكثير من المشاكل: "لما يبقى عندك حاجة بتقولها وقتها أضرب على الحديد وهو سخن.. مش بعد 9 سنين.. بس الفلوس بتعمل مشاكل جامدة أوي فلازم الواحد يصرف الفلوس كلها وميسبش حاجة.. والزواج إشهار، بوسي زوجته قدام ربنا والناس كلها".
وفي سياق آخر، أعربت فيفي عبده عن استيائها الشديد عن بعض الأخبار التي تداولها صفحات السوشيال ميديا، إذ قالت:" الصفحات بتموتي كل يوم واللي بيكتبوا حاجات غريبة ومتبقاش عارف أنت مين ولا فين أنا بقرأ عزائي كل يوم.. الدنيا اتغيرت وبقى في جشع ومن قبل ما اللي يموت يدفن بيتخانقوا على الورق".