تعرضت الممثلة المصرية الشابة ملك أحمد زاهر، لأزمة صحية مفاجئة، كشفت تفاصيلها عبر منشور لها على منصة "إنستغرام".
ونشرت ملك زاهر صورة وهي بالمستشفى، معلقة عليها: "أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار وبتبقي بيني وبين صحابي".
وتابعت زاهر: "الفترة الأخيرة بيجي لي كومنتات كلها أنتي عايشة ومبسوطة وإحنا مش عايشين وإيه كل اللي انتي فيه ده.. حبيت أقول لهم إن الحياة مش وردي أنا بقالي 3 أيام تعبانة وعندي حاجة لحد دلوقتي مش فاهمين سببها رغم إني قبلها بنص ساعة كنت زي الفل ومن ساعتها مش عارفة أنزل أو حد يشوفني".
واختتمت زاهر حديثها: "الهدف من الاستوري دي مش إن حد يقلق، لأن الحمد لله أنا كويسة وإن شاء الله اللي عندي ده ليه حل وأنا تمام مفيش حاجة مقلقة، أنا بس حسيت إني محتاجة أشارك الوحش زي ما بشارك الحلو".
الجدير بالذكر أن أحدث أعمال الفنانة ملك أحمد زاهر هو مسلسل "سيد الناس"، بطولة الفنان عمرو سعد، والذي سبق عرضه في الموسم الرمضاني 2025.