وجّه المغني الشعبي سعد الصغير رسالة للنجمة بوسي بعد خروجها من أزمتها وإخلاء سبيلها، عقب تقديمها معارضات على أحكام قضائية صدرت ضدها، إذ تم القبض عليها أثناء تواجدها في مطار القاهرة قبل سفرها إلى دبي، وأكد الصغير دعمه الكامل لها، واعتذاره عن أي إساءة أو سوء تفاهم حدث بينهما في السابق.
سعد الصغير: بوسي صوت مصر
قال سعد الصغير في تصريحات له: أنا بعتذرلك قدام الناس كلها، لو كنت غلطت أو زعلتك، اعتبريها غلطة، وأنا اللي بقولك ده قدام الجميع، أنا ما قصدتش أشهر بوالدك رحمه الله أو أعمل تريند، أنا فعلاً كنت بحاول أعمل خير.
وأضاف: أنا بشهد قدام الكل إنك إنسانة طيبة ومحترمة، بوسي مش مجرد زميلة، دي أختي واتربينا سوا. وبقولها دلوقتي من قلبي: إنتِ صوت مصر وأحسن صوت شعبي، وده مش كلام جديد، أنا كنت بقول كده دايمًا حتى قبل أي خلاف.
وأوضح الصغير أنه لا يمكن أن يفرح في أي أزمة تخص بوسي كما يردد البعض، معلقًا: الحمدلله ربنا عدى أزمة بوسي على خير، وهي إنسانة طيبة تستاهل كل حاجة حلوة. أنا كلمت ناس عشان أكون جنبها، وربنا يخليها لابنها ويرزقها راحة البال.
وتابع الصغير أنه كان سببًا في تقديم بوسي لأغنية "آه يا دنيا" مع الملحن محمد عبد المنعم، قائلاً: أنا سبب معرفتها على محمد عبد المنعم وتقديم أغنية (آه يا دنيا) اللي تركت بصمة كبيرة في مشوارها، ولولا الأغنية مكنش هيبقى في بوسي، وربنا جعلني سبب. كمان كنت دايمًا بحل مشاكلها وواقف جنبها.
توتر العلاقة بين سعد الصغير وبوسي في الفترة الماضية
يُذكر أن العلاقة بين سعد الصغير وبوسي شهدت توترًا خلال الفترة الماضية، إلا أن رسالته الأخيرة جاءت لتفتح صفحة جديدة بينهما، وتعكس حرصه على إنهاء الخلافات ودعمه لها في أزمتها الأخيرة.