بعد اعتداء اسرائيل على قوات الطوارئ الدولية العاملة في جنوب لبنان، اليونيفيل، بالتزامن مع حربها على لبنان، أقدمت على الفعل الجرمي نفسه تجاه الجسم الصحافي حيث استشهد ثلاثة زملاء في الساعات الماضية داخل مقر اقامتهم في حاصبيا.
وفي هذا الإطار، علقت الفنانة سيرين عبد النور من خلال حسابها على منصة x بالتالي:
"قال الاعتداء على اليونيفيل جريمة حرب !
طيب الاعتداء على الصحافة المسعفين المستشفيات الجرفات يللي عم تهدم املاك الناس شو يعتبر ؟
قتل الاطفال شو يعتبر الدفاع عن النفس ؟
الحرب جريمة بحق الخالق مش بس بحق الانسانية. الله خلق الحياة وانتم تقتلون الحياة بالموت".
موقف سيرين تلاه انتقاد من احدهم جاء فيه:
"بدك تشدي شوي اكتر
مافي كتير لايكات اليوم "
لترد سيرين عليه بقولها: "بكفي وجودك يا بهنام ورغم انك مش متابعني ولاحقني بتعليقك المهضوم شكراً".
وهنا حاول البعض النيل من وطنية سيرين وانسانيتها المعهودة فقال: "ويلي عم بصير بغزة شوووووو ،؟؟؟؟ايها العاهرون المنافقون المتوحشون".
لترد سيرين عليه بنبرة عالية قائلةً: "مين العاهرون يا عاهر
مين المنافقون يا منافق
مين المتوحشون يا متوحش
صرلنا سنة ننادي بوقف الحرب على غزة واهل غزة وتغريداتي بتأكد
بلدي تحت القصف وينك انت من لبنان يا انسان ؟؟؟؟؟".
وفي محاولة لكشف خلفية هذا الهجوم غير المبرر على سيرين، لفتت احدى المتابعات بتعليقها وفيه: "حساب وهمي سيرين 2 follower ع ينشهر على حسابك ويعمل فتنة ما تعطيه مجال بلوك بزيادة عليه".
فختمت عندها سيرين تعليقاتها قائلةً:
"عطيتو بلوك بعد ما فشيت خلقي
العمى بعيونو
انا بسكت بسكت وبيطلعو فرد مرة
ما تواخزوني بس رح يفقع قلبي من قهري".