وجهت الفنانة اللبنانية مايا دياب، رسالة إلى لبنان، في ظل الأحداث والحرب التي يمر بها في هذا التوقيت الحرج.
وعبر خاصية "الستوري" على حسابها بتطبيق "إنستغرام"، كتبت مايا: "ما عم بقدر نام، ولا بالي عم يهدا، أولًا من الحب، وثانيًا من الوجع يا قلبي وأنتَ الموجوع، وثالثًا من الدموع اللي ما عم توقف يا وجعي أنت.. قدي بعد فيي إحمل أنا وأنت يا كل الدني.. أنت راحتي اللي كنت مفكرة أنها ما رح تروح ولا مرة".
وتابعت: "بعتذر، كنت كتير غلطانة وفكرت إنه هيدا أقل شيء فيك تقدملي ياه.. طلع إنه راح نقلق سوا، ونخاف سوا ونزعل سوا ونحزن سوا ونموت سوا ونعيش سوا يا وجعي".
أضافت مايا في "Story" أخرى: "رح سمّيك وجعي، لأنك الإحساس الوحيد اللي عايش بقلبي.. أنا وعم بكتب دموعي ما عم توقف، لأنه بيعرفوا أنه بعد في وجه وقهر ورح قلك بأيام العز، ما قدرت أعيش بعيدة عن قلبك، وبأيام الوجع يا أمي أنتَ، ما رح أقدر أعيش إلا بقلبك".
وواصلت: "إن شاء الله تكون حاسس إني عم بجرب أشيل عنك وجع.. قد ما فيي، أنت الغالي يا قلبي وعلى قلبي، وأنت كرامتي وكبريائي وحالي.. وأنا حالي مش منيح بالمرة.". ووضعت وسم (لبنان).
وأضافت: "أنت مش صورة ولا خريطة ولا فكرة، أنت إحساس، واللي عنده إحساس رح يفهم علي".
وختمت: "ما بقدر أكمل من دونك، ولو بقدر احضنك كنت رح تكمَل عمرك بين إيدي، يا وجع القلب (لبنان)".
