في تعليقه الأول على مقلب الفنان رامز جلال في برنامج "رامز إيلون مصر"، كتب الممثل أحمد فهمي عبر حسابه الخاص في "فيسبوك"، قائلاً: "متشكرين يا عم رامز ومسير الحي يتلاقى... وهوريك إزاي تسمع كلام السقا كويس ومش هبطّل أضايقه في التصوير حتى بعد المقلب... رمضان كريم".
وكان أحمد فهمي قد وقع ضحية لمقلب أمس (الأحد) من برنامج "رامز إيلون مصر"، المذاع عبر قناة MBC مصر، حيث تمكّن رامز من إجباره على ترديد إقرار خلال فقرة السرير الدوّار.
وقال فهمي بعد تعرّضه للصعقات المتتالية وهو مربوط في السرير الدوّار: "أتعهد بعدم التعرّض لرامز جلال، وأوافق على أي حاجة تحصل في الحلقة".
ورداً على سؤال رامز حول زيجته الأخيرة، من دون أن يذكر اسم هنا الزاهد، قال فهمي: "أنا صاحب قرار الطلاق ومش هتجوز تاني".
وكان رامز قد استقبل فهمي بمقدمة ساخرة قال فيها: "معانا النجم اللي بيتجوز على روحه، واللي هنزوّد له جروحه، مبيعرفش يعمل غير حاجة واحدة، يتجوز ويربّي كلاب"، وأضاف: "ملك الإفيهات الحمضانة، ممكن تقلع التوكة المعفّنة دي، النضارة دي ما شوفتهاش من أيام الراحل فؤاد المهندس في سك على بناتك".
وتابع رامز ساخراً: "بص يا حمادة، بالمنظر ده عرفت ليه بيطلبوا الخلع منك. الواد ده قاعد فاتح رجله كده ليه، دي اسمها قعدة التسلخات".