كشفت الفنانة مي سليم، عن معاناتها مع تربية ابنتها الوحيدة لي لي، واستيائها من طرق التربية الحديثة، مؤكدة أنها تحاول قدر الإمكان على تنمية ثقافة الاعتذار في ابنتها وعدم الانفعال.
وقالت مي سليم، في حوارها وابنتها مع الإعلامي رامي رضوان، في بودكاست اللعب مع الكبار: التربية الحديثة بتقول مينفعش نضرب ولا نتعصب ولا نعلي صوتنا، أنا فاضل يجيلي جلطة يا هيحصلي حاجة، يا إما أمشي على مهدئات.
وأضافت مي سليم:" أنا عصبية جدًا ودلوقتي بقيت أهدى وبحاول السيطرة على عصبيتي، ولما بضايق بنتي أو لو غلطت بعتذر لها علشان هي كمان يكون عندها ثقافة الاعتراف بالغلط والاعتذار، وبحاول أطبق كل الحاجات اللي معرفتش أعملها في نفسي على بنتي".
كما تحدثت ابنة مي سليم، عن الانتقادات التي يتعرضون لها، قائلة:" زمان كنت بهتم الناس بيفكروا عني إيه، دلوقتي مبقاش يفرق ومهما أعمل مش هرضي أي حد، والناس اللي بتتكلم وحش هما اللي بيجيبوا لينا مشاهدات، فيتكلموا براحتهم".