رانيا يوسف: "أنا بحسد ستات الغرب على رجالتهم"...ماذا فعل الرجال العرب بها؟

حلت الفنانة رانيا يوسف، ضيفة على إحدى البرامج التلفزيونية، وخلاله تحدثت عن العديد من الأسرار المتعلقة بحياتها الشخصية، موضحه تجاربها مع الزواج أيضًا.

وقالت رانيا: "أنا بلاحظ إني لما بسافر برة إن كابلز كتير أوي سنهم متقارب، يعني تلاقي شعرهم أبيض زي بعض، وبقول للستات دي يا بختوا أن عندكم رجالة بتتقبل الست وهي سنها كبير أو وزنها زايد؛ لأن مجتمعنا الشرقية مبيتقبلوش ده وبرجع أقول أقعد في بيتنا عادي".

وأردفت: "كان عندي 3 تجارب زواج، و3 تجارب بره الزواج مشاريع مكملتش، عشان مشكلتنا أننا مبنعرفش بعض كويس قبل الزواج، وغالبا الحوار بيتم عن طريق معارف أو علاقة شهرين، لأ لازم تبقى فترة أطول من كدا 3 أو 4 سنين عشان يعرفوا بعض كويس، ودي اللي بنسميها فترة الخطوبة".

وأضافت: "أنا بشوف أني ست في الحياة الزوجية مش قوية، أنا قوية في حياتي وقراراتي، بس بخلي الراجل معاه الدركسيون وبحسسه إنه سي السيد وبعمل اللي أنا شيفاه في الآخر".

وختمت الممثلة المصرية: "أول جوازتين ليا أضربت فيهم عشان مكنش عايزين يطلقوا.. الحياة خلصت بالنسبالنا بس هو مش عايز يطلق، وبنتي نانسي قالتلي وهي عندها 6 سنين ماما أنتِ مش سعيدة".