كتب الفنان زين العمر، منشوراً عبر حسابه على إكس، تحدث فيه عن المواصفات التي يجب أن يتمتع بها رئيس جمهورية لبنان المقبل، وذلك عشية جلسة انتخاب رئيس الجمهورية المنتظرة.
وجاء في المنشور: "الرئيس يللي بدّو يكون رئيس لبنان اذا بدّو يوصل بتسوية وبوس أيادي عمرو ما يكون لأنه هيدا اسمو دمية ومصلحجي ما إسمو رئيس بلاد".
ولفت العمر في المنشور إلى أنه: "الرئيس يللي بدو يكون رئيس جمهورية لبنان او بكون رئيس رجّال وما بخاف غير من الله او عمرو ما يكون رئيس شبعنا مرواغة، شبعنا فساد، شبعنا من الفلتان".
وفي السياق نفسه، أكد العمر أن "صار لازم الشعب اللبناني العظيم الطيب يللي داق الويلات يكون عندو رئيس يحافظله على كرامته رئيس يرجّع لبنان الى المحافل الدولية رئيس يرّجع صورة لبنان الحلو بكل العالم . رئيس يطهّر كل مؤسسات الدولة من الفساد والرشوة والتبعية. رئيس يعمل تشكيلات بكل المؤسسات وما يخلّي بأي مؤسسة اي مسؤول تابع لزعيم او حزب".
وتابع: "رئيس ما يرد على حدا إلا بس على شعبه. اذا ما انتخبنا هيك رئيس بهيك مواصفات يعني ما رح يتغيّر شي. بدنا رئيس أكبر من الرئاسة واكبر من الكرسي بدنا رئيس بحجم الوطن والشعب يللي ناطر الفرج والتغيير من سنين. بدنا رئيس يقول للصح صح وللغلط غلط. قولوا الحقيقة مهما كانت صعبة".