استنكرت الإعلامية كارولينا دي اوليفيرا الهجوم الالكتروني الذي تعرّضت له من قبل بعد المدونين على مواقع التواصل الاجتماعي، حيث وجهت رسالة صارمة عبر خاصية الستوري الملحقة بحسابها على انستغرام، كشفت من خلالها أنها تعاني من أزمة صحية. وكتب: "أنا آسفة لم أكن ناشطة مؤخرًا على مواقع التواصل، كنت مريضة جدًّا".
ونشرت صورة ليدها أثناء تواجدها على سرير المستشفى، مرفقة بتعليق: "إلي يومين تعبانة، لأ ما وقفت دعم، لأ ما وقفت حط stories، لأ ما وقفت شي ولا نسيت شي. بس للمشككين: مش كل شي بيمرق فيه الانسان لازم ينشرو. فاضطريت هلق بس من ورا الـdm البلا أخلاق".
وأكملت كارولينا دي اوليفيرا حديثها وكتبت: "ما بحياتي حوقف النشر بس بحاجة ليومين راحة لأن صحتي عا قدي، فبدل إطلاق الأحكام لأن يوم واحد ما نشرت شي أو كانو البوستات أقل، مش يعني لا زهقت ولا وقفت".
وقالت في رسالة صوتية نشرتها من المستشفى: "العالم بدن يتخانقوا مع بعضن عولا شي، كل واحد لاقط التلفون وبدو يكتب الي بدو ياه، لأ لهون وبس لأنو ما حدا بيعرف شو في عند حدا".
وختمت كارولينا دي اوليفيرا حديثها بالقول: "انتوا منكن عايشين معي لتعرفوا وضعي الصحي شو أو ولا حدا عايش مع ولا حدا ليعرف وضعو الصحي شو، وقتها أنا بقول كل يوم لازم ننشر إيه كل يوم لازم ننشر، وقتها بقول لازم نساعد إيه أكيد لازم نساعد، بس مش إذا نهار ونص أنا كانوا أخفّ أو ما قدرت إنشر لأن أنا رايحة إسهر أو أنبسط، ما حدا بيعرف الي عند حدا، الله يرضى عليكن كل واحد يهتم بحالو".